नांदेड, 2 सप्टेंबर: मागील दोन दिवसांपासून नांदेड जिल्ह्यात झालेल्या अतिवृष्टीमुळे शेतकऱ्यांच्या पिकांचे मोठ्या प्रमाणात नुकसान झाले आहे. जिल्हाधिकारी अभिजीत राऊत आणि जिल्हा अधीक्षक कृषी अधिकारी भाऊसाहेब बऱ्हाटे यांनी अशा शेतकऱ्यांना सूचित केले आहे की, पीक विमा योजनेंतर्गत विमा कंपनीस 72 तासांच्या आत नुकसानीची पूर्व सूचना द्यावी.
रेशनवर मिळणार ही महत्वाची गोष्ट; पहा कोणाला लाभ आणि कोण अपात्र
गेल्या काही दिवसांत जिल्ह्यातील नदी-नाल्यांना आलेल्या पुरामुळे शेतांमध्ये पाणी साचले आहे, ज्यामुळे पिकांचे नुकसान झाले आहे. या नुकसानीची भरपाई पीक विमा योजनेच्या नैसर्गिक आपत्ती घटकांतर्गत करण्यात येणार आहे. शेतकऱ्यांना नुकसान झाल्यास, त्यांनी त्वरित विमा कंपनीस पूर्वसूचना देणे आवश्यक आहे.
नुकसान झालेल्या पिकांचे पंचनामे करून भरपाई मिळवण्यासाठी शेतकऱ्यांनी 72 तासांच्या आत विमा कंपनीस माहिती देणे अत्यावश्यक आहे. शेतकरी गुगल प्ले स्टोअरवरून ‘क्रॉप इन्शुरन्स’ हे ॲप डाउनलोड करून, त्यात आपली नुकसानीची माहिती भरू शकतात. तसेच, टोल फ्री क्रमांक 14447 वरही ही सूचना देता येईल.
सरकारचा मोठा निर्णय: 100 वर्ष जुन्या मागणीला मंजुरी, महाराष्ट्राला नवीन रेल्वे मार्ग!
पूर्वसूचना दिल्यानंतर मिळणारा डॉकेट आयडी सुरक्षित ठेवावा. ‘क्रॉप इन्शुरन्स’ ॲपद्वारे पूर्वसूचना देताना अतिवृष्टी किंवा अतिरिक्त पावसाचे कारण निवडावे, इतर कारणांची निवड टाळावी.
काही तांत्रिक अडचणींमुळे शेतकरी ऑनलाईन माहिती देऊ शकत नसतील, तर त्यांनी युनायटेड इंडिया इन्शुरन्स कंपनीच्या तालुका प्रतिनिधी, तालुका कृषी अधिकारी, किंवा आपल्या गावातील कृषि सहाय्यक, तलाठी, ग्रामसेवक यांच्याकडे ऑफलाईन अर्ज सादर करावा.
गणपतीच्या आधी सोनं झालं स्वस्त, पहा १० ग्राम सोन्याचा भाव !
शेतकऱ्यांना अतिवृष्टीमुळे झालेल्या पिकाच्या नुकसानीची तक्रार नोंदवण्यासाठी काही सोप्या पायऱ्यांचा अवलंब करावा लागेल. ‘क्रॉप इन्शुरन्स’ ॲपद्वारे ही प्रक्रिया पूर्ण करता येईल.
प्रत्येक टप्प्यावर दिलेल्या सूचना आणि माहिती अचूक भरून, तक्रार यशस्वीरीत्या दाखल करण्यासाठी शेतकऱ्यांनी काळजीपूर्वक ही प्रक्रिया पूर्ण करावी. तक्रार दाखल झाल्यानंतर मिळणारा डॉकेट आयडी जतन करून ठेवणे अत्यावश्यक आहे.
आजपासून एसटी संप , पहा कुठं बंद कुठं सुरु राहणार ?
शेतकरी बांधवांना विनम्र आवाहन
अतिवृष्टीमुळे झालेल्या पिकाच्या नुकसानीची तक्रार नोंदवण्यासाठी
स्टेप 1: प्ले स्टोअर मधून Crop Insurance App (क्रॉप इन्शुरन्स अॅप) अॅप डाउनलोड करावे
स्टेप 2: अॅप उघडल्या नंतर Continue as Guest हा पर्याय निवडावा
स्टेप 3 : Crop Loss / पीक नुकसान हा पर्याय निवडावा
स्टेप 4 : Crop Loss Intimation / पीक नुकसानीची पूर्वसूचना हा पर्याय निवडावा
स्टेप 5 : मोबाइल क्रमांक टाकावा
स्टेप 6 : ओटीपी प्राप्त करून सादर करावा
स्टेप 7 : हंगाम खरीप, वर्ष-2024 योजना आणि राज्य निवडावे
स्टेप 8 : नोंदनिचा स्रोत CSC निवडावा आणि आपल्याकडे पॉलिसी नंबर आहे का? या समोरील रेडियो बटन क्लिक करावे आणि विमा पावती क्रमांक टाकावा आणि Done करावे.
स्टेप 9 : पुढे विमा पावती क्रमांक वरती टिक करावे
स्टेप 10 : पुढे पॉलिसी नंबर तपशील दिसेल
स्टेप 11 : ज्या गट क्रमांक मधील पिकाची तक्रार करवायची आहे तो अर्ज निवडावा (प्रत्येक गटा करिता स्वतंत्र तक्रार करावी)
स्टेप 12 : पुढे घटनेचा प्रकार Excess Rainfall किंवा Inundation निवडावा, घटनेचा दिनांक – ज्या दिवशी पावसाने नुकसान झाले आहे तो दिनांक टाकावा, पीक वाढीचा टप्पा – Standing Crop आणि नुकसान टक्केवारी टाकावी.
स्टेप 13 : बाधित पिकाचा फोटो घ्यावा
स्टेप 14 : आणि Submit/सादर करा हा पर्याय निवडावा
स्टेप 15 : त्यानंतर आपली तक्रार यशस्वीरीत्या दाखल होईल आणि एक Docket id मिळेल तो जतन करून ठेवावा
